Tërmet 6.5 ballë në El Salvador

Një tërmet me magnitudë 6.5 ka ndodhur në brigjet e Oqeanit Paqësor të El Salvadorit në Amerikën Qendrore, transmeton Anadolu.

Shërbimi Gjeologjik i SHBA-së (USGS) njoftoi se epiqendra e tërmetit ishte 43 kilometra në jug të rajonit Intipuca.

Tërmeti është regjistruar në brigjet e Oqeanit Paqësor në një thellësi prej 70 kilometrash nën tokë.

Tërmeti i ndjerë në Honduras, Nikaragua dhe Guatemala, vendet fqinje të El Salvadorit, shkaktoi frikë tek njerëzit.

Duke ndjerë lëkundjet, banorët lanë shtëpitë e tyre dhe dolën në rrugë prej frikës.

Sipas vlerësimeve fillestare, tërmeti nuk ka shkaktuar viktima apo dëme materiale.