Ukrainë, forcat ruse godasin me raketa qytetin Kramatorsk

Përderisa vazhdojnë sulmet ajrore të Rusisë kundër rajonit Donetsk në Ukrainë, qyteti Kramatorsk i lidhur me këtë rajon është goditur me raketa nga forcat ruse, transmeton Anadolu Agency (AA).

Forcat ruse vendosën në objektivin e tyre qytetin Kramatorsk pranë vijës së frontit ku vazhdojnë luftimet e ashpra në rajonin Donetsk në të cilin vazhdon lufta mes Rusisë dhe Ukrainës.

Në Kramatorsk i cili ndodhet 40 kilometra nga qyteti Bakhmut, një nga pikat ku ndodhin përleshjet më intensive në të gjithë Ukrainën, që nga mesnata e deri në mëngjes janë dëgjuar disa herë shpërthime të fuqishme.

Si pasojë e sulmeve të kryera nga forcat ruse është vërejtur se në një fabrikë në zonën industriale në Kramatorsk u shënuan dëme të rënda. Ekipet e kërkim-shpëtimit kryen punime në rrënojat ku u ngrit tymi.

Në deklaratat e zyrtarëve lokalë thuhet se në sulme është dëmtuar vetëm infrastruktura.