Uragani godet Meksikën, rritet në 19 numri i viktimave

Numri i të vdekurve në shtetin meksikan Oaxaca si pasojë e uraganit Agatha është rritur në 19, tha sot guvernatori Alejandro Murat, transmeton Anadolu Agency (AA).

Guvernatori i Oaxaca-s, Alejandro Murat tha se 9 persona të tjerë pësuan për vdekje dhe kërkimi për 6 të zhdukurit ende vazhdon.

Ndërkohë, autoritetet meksikane kanë shpallur gjendjen e jashtëzakonshme për 25 fshatra të vendit, i cili është goditur nga uragani i parë i këtij sezoni në Paqësor që nga fundi i majit.

Presidenti i Meksikës, Andres Manuel Lopez Obrador ka njoftuar se ka urdhëruar institucionet kompetente që të dërgojnë ndihma për të prekurit nga uragani.