Ushtarët izraelitë arrestojnë 17 palestinezë

KUDS (AA) - Ushtarët izraelitë kanë arrestuar 17 palestinezë në Bregun Perëndimor të okupuar, transmeton Anadolu Agency (AA).

Sipas një njoftimi me shkrim nga ushtria izraelite, 17 palestinezët janë arrestuar në operacione të organizuara gjatë natës në zona të ndryshme të Bregut Perëndimor me pretendimin për "nxitje aktesh terroriste".

Ndryshe, forcat izraelite shpesh organizojnë bastisje nëpër shtëpi në Bregun Perëndimor dhe Kudsin Lindor të okupuar, duke arrestuar palestinezë me akuza të ndryshme.

Në burgjet izraelite gjenden afër shtatë mijë palestinezë, prej të cilëve 300 janë fëmijë.