Ushtria turke godet objektivat terroriste në veri të Irakut

Avionët luftarakë turq goditën objektivat e organizatës terroriste PKK në veri të Irakut, tha Ministria e Mbrojtjes e Turqisë, transmeton Anadolu Agency (AA).

Gjatë një operacioni ajror, avionët turq goditën dhe shkatërruan pozicionie të armëve, strehimore, bunkerë dhe depo të municioneve të PKK-së në rajonet Hakurk dhe Avashin, tha ministria në një njoftim në rrjetin social Twitter.

Në fushatën e saj terroriste më shumë se 30-vjeçare kundër Turqisë, PKK, e cilësuar si organizatë terroriste nga Turqia, SHBA dhe BE, ka qenë përgjegjëse për vdekjen e rreth 40.000 njerëzve, duke përfshirë shumë gra dhe fëmijë.