Zgjedhjet e përgjithshme në mediat gjermane

BERLIN (AA) – Gazetat gjermane në artikujt e tyre për zgjedhjet e përgjithshme të mbajtura dje në Gjermani vendosën tituj si “fitore e hidhur” dhe “humbje historike”, transmeton Anadolu Agency (AA).

Gazeta "Bild" në artikullin e saj me titull “Fitorja e kancelares si një makth”, shkroi lidhur me atë se kush do ta qeverisë Gjermaninë. Kancelarja Angela Merkel ka në dorë mundësinë e koalicionit të ashtuquajtur “Xhamajka”, CDU, FDP dhe Partia e të Gjelbërve.

Gazeta "Süddeutsche Zeitung" në artikullin e saj me titull “Humbje historike për partitë e unionit dhe Social Demokratët”, shkruan se Partia e së djathtës ekstreme Alternativa për Gjermaninë (AfD) ka hyrë në Parlamentin Federal (Bundestag) me shifra dyshifrore.

Në artikullin ku për partitë e unionit përdoret thënia “humbën 1-0” thuhet se tani më Parlamenti ka ardhur në një pikë kthimi dhe se gjithkush po gjen një fajtor kryesor për ta fajësuar.

Edhe gazeta "Tagesspiegel" me titullin “Fitore e hidhur për Merkel-AfD forca më e madhe e tretë” përkundër asaj që partia e Merkelit CDU ka arritur fitore thekson se ka pësuar një humbje historike të votave.

Duke vënë në dukje se edhe Partia Social Demokrate (SPD) e Martin Schulz ka pësuar humbje dhe se për këtë arsye mund të zgjedhë të qëndrojë në opozitë, në lajm theksohet se në Gjermani pas Luftës së Dytë Botërore për herë të parë të djathtët ekstremë kanë arritur të hyjnë në Parlament.

Në gazetën "Frankfurter Allgemeine Zeitunng" thuhet se partitë e unionit arritën fitore përkundër humbjes së votave si dhe që SPD ka marrë një rezultat shumë të dobët.

“CDU/CSU përsëri arriti që të bëhet partia më e fortë politike në Parlamentin Federal të Gjermanisë. Tani si pasojë e dënimit të partnerit të vogël të këtij koalicioni të madh SPD-së nga votuesit, Merkel për herë të katërt do të marrë detyrën e njëjtë. Meqë SPD-ja do të jetë opozita kryesore, që CDU-ja të vazhdojë në pozitë duhet të formojë koalicion me FDP-në dhe të Gjelbërtit. Merkel nuk ka ndonjë problem për të formuar kontakte me të Gjelbërtit por humbja e votave të CSU-së në nivel federal dhe meqë vitin e ardhshëm do të ketë zgjedhje parlamentare në shtetin e Bavarisë nuk mund të bëhet fjalë për të njëjtin rast”, thuhet në artikullin në fjalë.

Gazeta "Die Welt" në artikullin me titull “Partitë e unionit në humbje të fuqishme, SPD në rënie rekorde, kurse AfD fuqia e tretë më e madhe” ka vënë në dukje se AfD-ja, e djathta ekstreme ka hyrë në Parlament dhe se tani Merkel përpara ka mundësinë e formimit të koalicionit të ashtuquajtur "Xhamajka".