Banka Qendrore e Rusisë: Kuota e rublës në pagesat e eksportit ka arritur dollarin

Banka Qendrore e Rusisë njoftoi se kuota e rublës në pagesat e eksportit të vendit ka arritur dollarin dhe ka tejkaluar ndjeshëm euron, transmeton Anadolu.

Në raportin e Bankës Qendrore thuhet se Rusia filloi të pranojë pagesa në rubla për dërgesat e gazit natyror në vendet armike në maj 2022.

Thuhet se kuota e rublës në eksporte është rritur ndjeshëm falë këtij vendimi.

"Kuota e monedhës kombëtare rubla në eksporte tejkaloi 30 për qind në fund të vitit, duke arritur kuotën e dollarit dhe duke tejkaluar ndjeshëm euron", thuhet në raport.

Më tej u tha se pesha e dollarit dhe euros në eksporte ra nën 50 për qind.

Sipas raportit, kompanitë dhe qytetarët në depozitat e tyre kanë rritur peshën e monedhave të vendeve mike, veçanërisht juanit kinez.