Rritet çmimi i grurit pas zjarrit në centralin bërthamor në Ukrainë

Pas frikës që shkaktoi zjarri që shpërtheu në termocentralin bërthamor Zaporizhzhia të Ukrainës mes përleshjeve me Rusinë, çmimet e grurit iu afruan nivelit të 500 dollarëve për ton në SHBA, transmeton Anadolu Agency (AA).

Që nga mëngjesi i sotëm, çmimi i grurit arriti në 444 dollarë për ton dhe 12,09 dollarë për shinik.

Në fillim të shkurtit, çmimi i grurit ishte rreth 270 dollarë për ton.

Zjarri në termocentralin bërthamor të Ukrainës nuk ka prekur pajisjet thelbësore deri më tani, sipas Agjencisë Ndërkombëtare të Energjisë Atomike (IAEA).

Çmimet e mallrave të tjera gjithashtu shënuan rritje lidhur me zhvillimet e fundit në luftën Rusi-Ukrainë.

Çmimi i naftës Brent, i cili iu afrua nivelit 120 dollarë të enjten, shënoi një rënie dhe tani është rreth 112 dollarë.

Çmimi i arit arriti në nivelin 1,950 dollarë dje dhe u balancua sot në rreth 1,937 dollarë.