Operacione kundër DEASH-it në Turqi, 763 të ndaluar

ANKARA (AA) - Në operacionet e njëkohshme të kryera në 29 qytete të Turqisë kundër organizatës terroriste DEASH u ndaluan 763 persona. Bashkë me të dyshuarit janë sekuestruar materiale të ndryshme të organizatës, armë dhe municione, raporton Anadolu Agency (AA).

Në një deklaratë të publikuar nga Drejtoria e Përgjithshme e Policisë thuhet se organizata terroriste DEASH ishte në kërkim të kryerjes së akteve të ndryshme, kishte përshpejtuar aktivitetet e propagandës për sigurimin e pjesëtarëve të saj, si dhe kryesisht në organet publikuese kishte përcaktuar Turqinë si objektiv i sulmeve.

Ndër të tjera në deklaratë thuhet se si rezultat i operacioneve nën koordinimin e Drejtorisë së Përgjithshme të Policisë kundër grupeve dhe personave të cilët dyshohen se kanë lidhje me rajonet e konfliktit, në 29 qytete janë ndaluar 763 persona dhe ndaj tyre kanë nisur procedurat ligjore.

Gjithashtu në deklaratën ku vihet në dukje se bashkë me të dyshuarit janë sekuestruar shumë dokumente, theksohet se Drejtoria e Përgjithshme e Policisë do të vazhdojë pandërprerë luftën e saj kundër çdo organizate terroriste.