Nigeri, mbi 150 mijë fëmijë bartës të HIV-it

Mbi 150 mijë fëmijë në Nigeri jetojnë me virusin e Human Immunodeficiency Virus, i njohur gjithashtu si HIV, theksuan sot autoritetet, transmeton Anadolu Agency (AA).

Kreu i Agjencisë Kombëtare Nigeriane për Kontrollin e SIDA-s (NACA), Gambo Aliyu tha se vendi ka bërë përparim të rëndësishëm gjatë viteve të fundit në luftën kundër HIV/AIDS.

Megjithatë, ai tha se vetëm 80 mijë fëmijë nga 150 mijë janë duke marrë trajtim të rregullt.

Gati 1.8 milionë njerëz në vend jetojnë me HIV, me 90 për qind të tyre të vetëdijshëm për statusin e tyre HIV dhe 96 për qind nën trajtim, shtoi ai.

Duke nënvizuar se NACA do të vazhdojë të ndjekë fushatat kundër HIV/AIDS, Aliyu i bëri thirrje publikut që të testohet për virusin.