Çerekfinalet e Ligës së Kampionëve, sonte luhet "derbi i ishullit"

Sonte në orar janë dy ndeshjet e para çerekfinale të UEFA Ligës së Kampionëve, dhe që të dy takimet do të luhen në tokën angleze, raporton Anadolu Agency (AA).

Futbollistët e Liverpoolit do të jenë nikoqirë të portugezëve të Portos, ndërkohë që paralelisht me këtë ndeshje, në Londër do të luhet derbi anglez mes Tottenhamit dhe Manchester Cityt. Të dy ndeshjet fillojnë në orën 21:00.

Dy çerekfinalet e mbetura do të luhen nesër në po të njëjtën kohë, kur do të takohen Manchester United-Barcelona dhe Ajax-Juventus.

Ndeshjet e kthimit të çerekfinaleve të Ligës së Kampionëve janë planifikuar për në datat 16 dhe 17 prill.