Ekipet e F1 kufizojnë buxhetin në 145 milionë dollarë
Financat e F1 kanë marrë një goditje të madhe për shkak të pandemisë së koronavirusit sepse 10 garat e sezonit ose janë anuluar ose shtyrë
Ekipet e Formula 1 do të kufizohen në shpenzimin e 145 milionë dollarëve sezonin e ardhshëm madje edhe më pak në vitet në vijim, pasi të mërkurën Federata Automobilistike Ndërkombëtare (FIA) aprovoi kufizimin e buxhetit, transmeton Anadolu Agency (AA).
FIA në një deklaratë tha se kufizimi do të zvogëlohet në 140 milionë dollarë në vitin 2022 dhe 135 milionë dollarë për 2023-2025. Çdo sezon do të voziten 21 garas, ndërsa kufizimet e buxhetit nuk përjashtojnë pagat e shoferit dhe kostot e motorit.
"Formula 1 fitoi sot. Ky është një moment thelbësisht i rëndësishëm për sportin tonë", tha shefi ekzekutiv i ekipit McLaren, Zak Brown, duke shtuar se: "F1 ka qenë financiarisht i paqëndrueshëm për ca kohë, ndërsa mosveprimi do të rrezikonte të ardhmen e F1 dhe pjesëmarrësve të saj".
Financat e F1 kanë marrë një goditje të madhe për shkak të pandemisë së koronavirusit të ri (COVID-19) sepse 10 garat e sezonit ose janë anuluar ose shtyrë.
Shifrat e publikuara nga pronari i F1 Liberty Media këtë muaj treguan të ardhura të tremujorit të parë prej 39 milionë dollarë krahasuar me 246 milionë dollarë për të njëjtën periudhë të vitit të kaluar.
Ekipet më të vogla posaçërisht përballen me një të ardhme të pasigurt, duke çuar në diskutime uljen e kapitalit buxhetor.
Sezoni në Formula 1 duhej të fillonte më 5 korrik me garën për Çmimin e Madh të Austrisë. Nga drejtuesit shfaqën shpresë se këtë sezon do të mbahen mes 15 dhe 18 gara prej 22 aq sa janë planifikuar.
