Formula 1, piloti australian Ricciardo, pjesë e McLaren nga viti 2021

Piloti australian i Formula 1, Daniel Ricciardo, vitin e ardhshëm do të jetë pjesë e klubit McLaren, transmeton Anadolu Agency (AA).

"Ky është një lajm shumë i mirë për ekipin, partnerët dhe natyrisht për tifozët tanë", tha Zak Brown, drejtori ekzekutiv i Mc Laren, në një deklaratë me shkrim.

Piloti 30-vjeçar, sezonin e ardhshëm do të jetë në të njëjtin ekip me britanikun 20-vjeçar, Lando Norris.

Me këtë, do të ndahen rrugët e McLaren me pilotin spanjoll Carlos Sainz.

Pretendohet se Sainz do të jetë pjesë e Ferrarit.

Sezoni në Formula 1 ende s'ka filluar për shkak të pandemisë së koronavirusit të ri (COVID-19).