Nadal planifikon në dhjetor të kthehet në fushë

Tenisti spanjoll me famë botërore Rafael Nadal, i cili nuk ka dalë në fushë që nga gushti për shkak të lëndimit, tha se planifikon të marrë pjesë në Kampionatin Botëror Mubadala, i cili do të mbahet në Abu Dhabi në dhjetor, raporton Anadolu Agency (AA). .

"Kam ditë të mira me zhvillime pozitive. Plani im është të marr pjesë në Abu Dhabi në dhjetor. Ky është qëllimi im më i madh dhe jam shumë i gatshëm ta arrij. Po mundohem", tha tenisti 35-vjeçar.

Ai vuri në dukje se data e saktë e kthimit të tij në tenis nuk dihet ende.

"Për momentin arrij të stërvitem për 1,5 orë. Kjo është shumë mirë. Ka ditë të mira dhe të këqija. Mendoj se jam në rrugën e duhur. Punoj shumë dhe ndihem mirë", tha Nadal.

Kupa e Botës Mubadala, e organizuar nga Abu Dhabi, do të mbahet nga 16-18 dhjetor.