NBA, Jazz shënojnë fitoren e 23-të me radhë në shtëpi

Utah Jazz shënoi fitoren e 23-të radhazi në shtëpi pasi mposhti Portland Trail Blazers me rezultat 122-103 në Salt Lake City, transmeton Anadolu Agency (AA).

Ndeshja ishte e ngushtë deri në çerekun e tretë, kur Jazz shënoi 40 pikë kundër Trail Blazers për të marrë kontrollin e ndeshjes.

Ylli i Jazz, Donovan Mitchell, shënoi 37 pikë për Jazz-in, ndërsa ylli francez Rudy Gobert po ashtu ishte dominant kundër Trail Blazers duke shënuar 18 pikë dhe 21 kërcime, si dhe Joe Ingles shtoi 13 pikë.

Superylli i Trail Blazers-it, Damian Lillard, shënoi 23 pike për ekipin e tij, ndërsa CJ McCollum shënoi 19 pikë.

Jazz tani janë lider në Konferencën e Perëndimit. Ata tani kanë shënuar 39 fitore, por kanë humbur 13 ndeshje në sezonin e rregullt të NBA-së 2020-21.

Lëndohet ylli i Miami Heat Victor Oladipo

Ylli i Miami Heat, Victor Oladipo, braktisi ndeshjen e së enjtes kundër Los Angeles Lakers pas një dëmtimi.

28-vjeçari Oladipo u pa duke çaluar pasi shënoi një ngulitje në çerekun e katërt.

Trajneri i Miami-it, Erik Spoelstra, tha se Oladipo do t'i nënshtrohet kontrolleve mjekësore.

"Ne do ta rivlerësojmë atë nesër", shtoi Spoelstra

Oladipo shënoi 18 pikë teksa Heat mposhtën Lakers-at me rezultat 110-104 në Miami.

- Rezultatet:

Miami Heat - Los Angeles Lakers: 110-104

Toronto Raptors - Chicago Bulls: 113-122

Oklahoma City Thunder - Cleveland Cavaliers: 102-129

Dallas Mavericks - Milwaukee Bucks: 116-101

Utah Jazz - Portland Trail Blazers: 122-103

Los Angeles Clippers - Phoenix Suns: 113-103

Sacramento Kings - Detroit Pistons: 101-113