Ndeshja finale e Ligës së Kampionëve 2021 do të zhvillohet në Rusi

Federata Evropiane e Futbollit (UEFA) ka bërë të ditur se Rusia do të jetë nikoqire e ndeshjes finale të Ligës së Kampionëve UEFA 2021, transmeton Anadolu Agency (AA).

Në llogarinë e saj në Twitter, mbrëmë UEFA njoftoi se ndeshja finale do të zhvillohet në terrenin e klubit rus Zenit në "Gazprom Arena".

Përveç ndeshjes finale të kampionatit të vitit 2021, po ashtu janë emëruar edhe finalet e viteve 2022 dhe 2023.

Ndeshja finale e vitit 2022 do të zhvillohet në stadiumin e klubit gjerman Bayern Munich në "Allianz Arena", stadium i cili në vitin 2012 ishte nikoqir i ndeshjes finale të kampionatit midis klubit Bayern Munich dhe atij anglez Chelsea.

Chelsea fitoi titullin e Ligës së Kampionëve në penallti.

Ndeshja finale e vitit 2023 është caktuar të zhvillohet në stadiumin "Wembley" në Londër, stadium i cili ishte nikoqir i finales së vitit 2011, kur gjiganti spanjoll Barcelona mposhti klubin anglez Manchester United me rezultat 3:1.