Barış Seçkin
16 Prill 2021•Përditësim: 18 Prill 2021
Qendërmbrojtësi i ekipit italian Roma, Chris Smalling, është grabitur me armë në shtëpinë para familjes së tij, bënë të ditur mediat lokale, transmeton Anadolu Agency (AA).
Lojtari anglez Smalling, bashkëshortja dhe djali i tij 2-vjeçar ishin në shtëpi kur tre burra të armatosur hynë në rezidencë, raportoi e përditshmja sportive italiane "Corriere dello Sport".
Theksohet se grabitësit e detyruan Smalling të hapte kasafortën e tij dhe më pas vodhën orën Rolex dhe bizhuteritë e qendërmbrojtësit 31-vjeçar.
Smalling, gruaja dhe djali i tij theksohet se janë të padëmtuar.
Policia italiane po përpiqet të gjurmojë grabitësit.
Smalling, një veteran i Manchester United, ka luajtur për Romën që nga viti 2019.
