Sot përcaktohet klubi më i madh i Evropës në futboll

Klubin më të madh futbollistik do ta përcaktojë ndeshja e sotme e finales së Ligës së Kampionëve, e cila do të luhet mes klubeve angleze, Liverpool dhe Tottenham, raporton Anadolu Agency (AA).

Ndeshja do të fillojë në ora 21.00 në stadiumin Metropolitano në kryeqytetin e Spanjës, Madrid.

Arbitri i kësaj ndeshje do të jetë slloveni Damir Skomina, ndërsa ndihmësit e tij do të jenë Jure Praprotnik dhe Robert Vukan nga i njëjti vend. Spanjolli Antonio Mateu Lahoz do të jetë arbitri i katërt.