ئانتالیا.. رووداوی کەوتنەخوارەوەی فڕۆکە

ئانتالیا - AA

بە هۆی کەوتنەخوارەوەی فڕۆکەیەکی مەدەنی لە شارۆچکەی مەناڤگات سەربە پارێزگای ئانتالیا، کەسێک گیانی لە دەستدا و دووی دیکەش بەسەختی برینداربوون.

پارێزگاری ئانتالیا، مونیر کارالئۆغڵو لە لێدوانێکیدا بۆ ئاژانسی ئانادۆڵو رایگه‌یاند كه‌ فڕۆکەیەکی مەدەنی تایبەت بە مەشق و راھێنان کە سێ کەسی لەنێودابووە لە ناوچەی سۆرگون کەوتووەتەخوارەوە.

مونیر کارالئۆغڵو راشیگەیاند کە بە هۆی رووداوەکەوە کەسێک گیانی لەدەستداوە و دووی دیکەش بەسەختی برینداربوون و گوتی: "فڕۆکەکە لە نزیک یاریگای مەناڤگات کەتووەتەخوارەوە، بەداخەوە کەسێک گیانی لەدەستداوە و دووی دیکەش برینداربوون".

ناوبراو هەروەها گوتی: "دەستبەجێ تیمەکانی فریاگوزاری گەیشتوونەتە شوێنی رووداوەکە و سەرجەم رێکارە پێویستەکان گیراونەتەبەر".