ئیزمیر.. رزگارکردنی ١٢٣ کۆچبەر

ئیزمیر-AA

لە سێ قەزای سەربە پارێزگای ئیزمیر، ١٢٣ کۆچبەر رزگارکران.

لە قەزای ئورلا، هێزەکانی پاراستنی کەناراوەکان چوون بەدەم ژمارەیەک کۆچبەرەوە کە ماتۆڕی بەلەمەکەیان لەکارکەوتبوو و توانیان ٣٦ کۆچبەر رزگار بکەن.

بەهەمان شێوە لە قەزاکانی دیکیلی و سەفەریهیسار، ٨٧ کۆچبەری دیکە رزگارکران کە لەلایەن هێزەکانی یۆنانەوە گەڕیندرابوونەوە سنوورە ئاوییەکانی تورکیا.

دواتر سەرجەم کۆچبەرەکان رادەستی بەڕێوبەرایەتی کۆچ کران لە پارێزگای ئیزمیر.