بوومەلەرزەکەی ئیزمیر.. سعوودیە هاوخەمی خۆی بۆ تورکیا راگەیاند

ئیستانبوڵ - AA

حکوومەتی سعوودیە هاوخەمی خۆی بۆ تورکیا راگەیاند بەهۆی کەوتنەوەی دەیان قوربانی لە بوومەلەرزەکەی پارێزگای ئیزمیر رۆژئاوای ئەو وڵاتە.

وەزارەتی دەرەوەی سعوودیە لە راگەیەنراوێکی پرسە و سەرەخۆشی لە کەسوکاری ئەو هاووڵاتییانە کردووە کە لە بوومەلەرزەکەدا گیانیان لەدەستدا و هیوای چاکبوونەوەی بۆ بریندارانی رووداوەکە خواستووە.

بەپێی ئامارە بەراییەکان، لە ئاکامی ئەو بوومەلەرزەیەی کە بە گوڕی ٦.٦ پلە ئەمڕۆ هەینی لە پارێزگای ئیزمیر رۆژئاوای تورکیا روویدا تاوەکو ئێستا شەش کەس گیانیان لەدەستدا و ٣٢١ کەسی دیکە برینداربوونە.