پاکستان.. بەهۆی تەقینەوەیەک حەوت کەس کوژران

ئیسلام ئاباد- AA

لە ویلایەتی خەیبەر پەختونخوا تەقینەوەیەک لەناو قوتابخانەیەکی ئایینیدا روویدا.

بەگوێرەی میدیای پاکستان، تەقینەوەکە لەناو قوتابخانەکی ناوچەی پیشاوەر سەرسنووری ئەفغانستان روویداوە.

بەگوتەی بەرپرسە ئەمنییەکانی پاکستان لە تەقینەوەکەدا، پێنج کیلۆگرام تەقەمەنی بەکارهێندراوە.

لە تەقینەوەکەدا، حەوت کەس کوژران و ٧٠ی دیکەش برینداربوون.

تا ئێستاش هیچ لایەنێک بەرپرسیارییەتی خۆی لە ئەنجامدانی پەلامارەکە رانەگەیاندووە.