ژمارەی تووشووانی کۆرۆنا لە جیهاندا ۳۱ ملیۆن و ۲٤۳ هەزاری تێپەڕاند

ئەنقەرە-AA

ڤایرۆسی کۆرۆنای نوێ کە لە شاری وهان رۆژهەڵاتی چین دەرکەوت و بەخێرایی بە جیهاندا بڵاوبووەوە، تا ئێستا دووچاری ۳۱ ملیۆن و ۲٤۳ هەزار و ۲۲ کەس بووە.

ماڵپەڕی "Worldometer" نوێترین ئامارەکانی تایبەت بە کۆرۆنای خستەڕوو.

بەپێی ئامارەکان تا ئێستا، ۳۱ ملیۆن و ۲٤۳ هەزار و ۲۲ کەس تووشی کۆرۆنا بوون و ۹٦٥ هەزار و ۹۷ تووشبووی ڤایرۆسەکەش گیانیان لەدەستداوە.

هەروەها ۲۲ ملیۆن و ٨۳٥ هەزار و ٥٦۳ تووشبووی کۆرۆنا چاکبوونەتەوە.

زۆرترین حاڵەتەکانی تووشبوون و گیانلەدەستدان لە ویلایەتە یەکگرتووەکانی ئه‌مریكا تۆمار کراوە کە حەوت ملیۆن و چوار هەزار و ۷٦٨ حاڵەتی تووشبوون و ۲۰٤ هەزار و ۱۱٨ حاڵەتی گیانلەدەستدان بووە.