حاجییه‌كان له‌ مه‌ككه‌ی پیرۆزن

مه‌ككه‌ - AA

ئه‌مساڵ 5ی ته‌مووز یه‌كه‌م قافڵه‌ی حاجییانی توركیا به‌ره‌و مه‌ككه‌ی پیرۆز به‌ڕێكه‌وتن و له‌ئێستادا سه‌رجه‌م قافڵه‌كان گه‌یشتوونه‌ته‌ مه‌ككه‌.

به‌پێی ئه‌و زانیارییانه‌ی ده‌ست په‌یامنێری ئانادۆڵو كه‌وتووه‌، له‌ڕێگه‌ی سه‌رۆكایه‌تیی كاروباری ئاینی و كۆمپانیاكانه‌وه‌، نزیكه‌ی 80 هه‌زار حاجی له‌ توركیاوه‌ چوونه‌ته‌ مه‌ككه‌ به‌مه‌به‌ستی به‌جێهێنانی فه‌ریزه‌ی حه‌ج.

قافڵه‌كان سه‌ره‌تا چوونه‌ته‌ مه‌دینه‌ و له‌گه‌ڵ نزیكبوونه‌وه‌ی جه‌ژنی قورباندا چوونه‌ته‌ مه‌ككه‌.

شاری مه‌ككه‌ و كه‌عبه‌ی پیرۆز له‌ئێستادا قه‌ره‌باڵخترین رۆژه‌كانی به‌رله‌ رۆژی عه‌ره‌فه‌ به‌خۆیه‌وه‌ ده‌بینێت.

حاجییه‌كان نیوه‌ڕوان بۆ پشوو ده‌گه‌ڕێنه‌وه‌ میوانخانه‌كان و كاتی نوێژه‌ فه‌رزه‌كان له‌كه‌عبه‌ ئاماده‌ده‌بن.

ئه‌و حاجییانه‌ی ناتوانن له‌نزیك كه‌عبه‌وه‌ ته‌واف بكه‌ن، له‌نهیمه‌كانی سه‌ره‌وه‌ و بازنه‌ گه‌وره‌تره‌كاندا ته‌وافه‌كه‌یان ئه‌نجامده‌ده‌ن.

ئێواره‌ی به‌رله‌ رۆژی عه‌ره‌فه‌ حاجییه‌كان رووله‌ كێوی عه‌ره‌فه‌ ده‌كه‌ن و له‌وێ ئه‌ركی وه‌قفه‌ی عه‌ره‌فه‌ به‌جێده‌هێنن.