Турција: Израел мора веднаш да ги запре нападите што го кршат прекинот на огнот во Газа

ИСТАНБУЛ (АА) - Израел мора веднаш да ги запре нападите со кои се крши прекинот на огнот во Газа и да ги исполни своите обврски, истакна денес Советот за национална безбедност на Турција, јавува Анадолу.

Турција е подготвена да преземе одговорности во механизмите што ќе обезбедат стабилност во Газа и ќе придонесат за напорите за обнова, се вели во соопштението на Советот по состанокот одржан во Претседателскиот комплекс во главниот град Анкара.

Анкара ќе продолжи да дава поддршка за мирот, благосостојбата и безбедноста на сите сегменти на сирискиот народ, се наведува во соопштението.

Советот, исто така, се осврна на најновата ситуација во војната меѓу Русија и Украина и ги потврди континуираните напори на Турција со своите глобални партнери за воспоставување праведен и траен мир.