Ansambli "Tanec" mban edicionin e 67-të të Koncertit të Krishtlindjeve

SHKUP (AA) - Ansambli Kombëtar i Valleve dhe Këngëve të Maqedonisë "Tanec" sonte u paraqit me edicionin e 67-të të Koncertit të Krishtlindjeve para publikut në skenën e Operës dhe Baletit Maqedonas (OBM), raporton Anadolu Agency (AA).

Koncerti në fjalë është një shfaqje tradicionale e këngëve dhe valleve maqedonase dhe mbahet çdo vit para Vitit të Ri. Këtë vit ky koncert u ndoq edhe nga presidenti i vendit, Gjorgje Ivanov.

Në skenën e OBM-së u paraqit orkestra pranë Ansambli "Tanec", udhëheqësit e së cilës janë Milano Zavkov dhe Bajca Arifovska, kori këngëtarëve i cili udhëhiqej nga Goce Conevski dhe kori i valltarëve i udhëhequr nga Jovica Bllazhevski.

Anëtarët e Ansamblit Kombëtar "Tanec" argëtuan publikun me këngë dhe valle popullore, fragmente dhe koreografi.

Ansmabli "Tanec" tashmë gjashtë dekada është një simbol i folklorit, traditës dhe kulturës maqedonase. Ai është një ambasador i kulturës që prezanton dhe shpërndan traditën maqedonase në vend dhe në mbarë botën.

Ndryshe, Ansambli "Tanec" zyrtarisht është themeluar në maj të vitit 1949, ndërsa prezantimi i parë u mbajtë në vitin 1950 në Angli, në "Festivalin Kombëtar" në Uells.