Ish-presidenti i Francës vizitë në Shqipëri

Ish-presidenti i Francës, Nicolas Sarkozy, po realizon një vizitë në Shqipëri, ndërsa është takuar me presidentin e vendit, Ilir Meta dhe kryeministrin Edi Rama, transmeton Anadolu Agency (AA).

Në njoftimin nga Presidenca e Shqipërisë thuhet se Meta gjatë takimit është shprehur se "vlerëson marrëdhëniet e shkëlqyera tradicionale midis dy vendeve”.

"Mirënjohje për mbështetjen e gjithanshme që Franca ka dhënë ndër vite, në proceset e integrimit euroatlantik të Shqipërisë. Në rrugëtimin e saj evropian, Shqipëria do të vazhdojë të mbështetet tek Franca", ka theksuar Meta.

Ndërsa kryeministri Rama ka publikuar në rrjetet sociale një video nga takimi me ish-presidentin francez.