Sarajevë, dita e tretë e AJB DOC sjell histori mbresëlënëse nga të gjitha anët e botës

Dita e tretë e Festivalit të Gjashtë të Filmit AJB DOC sjell dokumentarë të mrekullueshëm, me një shfaqje shtesë të filmit "Secili ka Everestin e vet", i cili u organizua për shkak të interesimit të madh të publikut, raporton Anadolu.

Programi i ditës së tretë të Festivalit të Gjashtë të Filmit AJB DOC fillon me shfaqjen speciale të filmit "Ndërtuesit e Alhambra" të Isabel Fernandez, i cili tregon historinë e burrave që ëndërruan, projektuan dhe ndërtuan një nga monumentet më madhështore në botë, duke u përpjekur për të arritur formulën për bukurinë e përsosur.

Filmi do të shfaqet në Cineplexx (salla 2) në orën 12:00.

Në orën 14:00 në Cineplexx (salla 3), në AJB-DOC të këtij viti do të mbahet një shfaqje e dytë speciale dhe bëhet fjalë për filmin "Republika e shtatë" nga Nebojsha Grabezh, i cili tregon historinë e një hapësire të veçantë kulturore dhe shpirtërore, kulturën pop, veçanërisht rock and roll, e lindur në vitet 1970 dhe 1980. Në këtë film, autori eksploron rrënjët e atij komuniteti të dikurshëm shpirtëror dhe shpalos konturet e tij aktuale, duke shtruar pyetjen: A ka ende një "republikë të shtatë?"

Pas kësaj, në orën 15:00, në Cineplexx (salla 2), do të shfaqet filmi "Ëndrra e Lirisë" nga motrat dhe regjisoret Sophia dhe Georgia Scott, i cili tregon historinë e liderit politik palestinez të burgosur, Marwan Barghouti. Duke punuar ngushtë me familjen e Marwan-it në Bregun Perëndimor të pushtuar në Palestinë, motrat Scott kaluan më shumë se tre vjet pas luftës së tyre me grevën e urisë së tij në burg.

Në orën 16:30 në Cineplexx (salla 3), publiku ka mundësinë të shikojë filmin dokumentar "Flotation" nga Alesandra Tatiq dhe Eluned Zoe Aiano, të cilët i çojnë shikuesit në Majdanpek, një qytet në Serbinë lindore me një identitet të dyfishtë të ndarë mes magjisë dhe industrisë.

Pas kësaj, në orën 18:00, në Cineplexx (salla 2), publiku mund të shikojë filmin "Las Abogadas" të autores Victoria Bruce, e cila me këtë dokumentar ndjek odisenë shumëvjeçare të një grupi avokatësh të emigracionit, në një kohë kur qeveria amerikane nën drejtimin e presidentin Trump ndryshon çdo ligj që duhet të mbrojë ata që ikin nga persekutimi, dhuna dhe lufta.

Në ora 19:30 në Cineplexx (salla 3) do të shfaqet filmi "Trashëgimia e Dejtonit: BeH-Paqja e brishtë" e regjisorit francez Pierre-Olivier Francois. Filmi ofron një analizë informative të krizës aktuale, e cila përfshin tundimet secesioniste, korrupsionin e përhapur dhe ndërhyrjen e huaj. Duke u dhënë zë liderëve politikë kryesorë dhe anëtarëve të shoqërisë civile që avokojnë për një demokraci më të madhe, ky dokumentar shqyrton trashëgiminë komplekse të Marrëveshjes së Paqes të Dejtonit dhe ofron një vlerësim të detajuar dhe alarmues të situatës aktuale gjeopolitike.

Në orën 21:00, në repertorin e Cineplexx (salla 2) do të shfaqet filmi "Blix, jo bomba" nga Greta Stocklasse, e cila ishte 8-vjeçe kur ndoqi ngjarjet e 11 shtatorit në televizorin e saj në Stokholm. Në muajt dhe vitet që pasuan, ajo pa bashkëkombasin e saj, diplomatin Hans Blix, të bëhej një lojtar kryesor në krizën globale si inspektor i armëve i OKB-së.

Kujtojmë se për shkak të interesimit të madh të publikut, u organizua një shfaqje shtesë e filmit "Secili ka Everestin e vet" të Tomislav Cvitanushiq dhe Midhat Mujkiq, i cili do të mbahet në ora 20:30 në "Cineplexx Sarajevo" (salla 1).

Festivali i gjashtë i filmit AJB DOC zgjat deri më 12 shtator ndërsa programin e plotë dhe të gjitha detajet rreth filmave që do të shfaqen i gjeni në faqen zyrtare të Festivalit.