Izraeli pezullon shpërndarjen e çimentos në Gaza

GAZA (AA) - Izraeli sot formalisht pezulloi të gjitha dërgesat e çimentos në Rripin e Gazës, raporton Anadolu Agency (AA).

Kreu i komitetit palestinez për koordinimin e importit të mallrave, Raed Fattouh tha se qeveria izraelite "zyrtarisht dhe plotësisht" ka ndërprerë rrjedhën e shpërndarjes së çimentos për sektorin privat të Gazës.

"Zyrtarët izraelitë na informuan për vendimin e pezullimit të shpërndarjes së çimentos, pa dhënë asnjë arsye për një gjë të tillë", ka thënë Fattouh.

Vendimi i mësipërm nuk vlen për sasinë e çimentos së porositur e cila në Gaza importohet nga Agjencia për Punësim dhe Asistencë të Refugjatëve Palestinezë (UNRWA).