Afganistan, 3 të vdekur nga shpërthimi i një bombe

KABUL (AA) - Në qytetin Helmand në jug të Afganistanit, tre persona humbën jetën, si pasojë e shpërthimit të një bombe, në momentin kur po kalonte automjeti i policisë. Mjeti shpërthyes ishte vendosur në një skaj të rrugës, raporton Anadolu Agency (AA).

Zëdhënësi i policisë në Helmand, Shah Mahmut Ashna, në deklaratën për gazetarin e AA-së tha se në rajonin Kolpak të qendrës së qytetit Leshkergah, ka shpërthyer një bombë e vendosur në një skaj të rrugës derisa po kalonte aty pranë automjeti i policisë.

Ashna tha se në këtë incident jetën e humbën dy policë dhe një civil. Për sulmin, ai fajëson militantët talebanë. Ndërsa dëshmitarët okularë pretendojnë se nga shpërthimi kanë humbur jetën 4 policë dhe një civil.

Përgjegjësinë për këtë e morën talebanët të cilët pretendojnë se në këtë incident kanë vdekur 8 policë.