Anglia në kërkim të himnit të ri kombëtar

LONDËR (AA) - Parlamenti anglez ka pranuar propozimin i cili parashikon zgjedhjen e një himni të ri për vendin në ndeshjet sportive, raporton Anadolu Agency (AA).

Deputeti Toby Perkins nga Partia Laburiste opozitare ka propozuar që për Anglinë të zgjedhet një himn i ri kombëtar, ndryshe nga himni zyrtar i Mbretërisë së Bashkuar.

Perkins ka kërkuar që himni i ri të zgjedhet në konsultim me qytetarët. "Anglia është një nga komponentët e Mbretërisë së Bashkuar, por në aktivitetet sportive ajo garon e vetme. Për mendimin tim Anglia ka nevojë për një himn që lartëson atë dhe jo Britaninë", deklaroi Perkins.

- Parlamenti do të diskutojë propozimin më 4 mars

Në votimin e sotëm në dhomën e komunave (The House of Commons) e cila është Dhoma e Ulët e parlamentit anglez është pranuar propozimi i Perkins. Gjithashtu deputetët në parlament vendosën që këtë çështje ta diskutojnë në mënyrë të detajuar në një seancë të dytë që do të mbahet më 4 mars.

Nëse në seancën e dytë merret vendim pozitiv atëherë Ministria e Kulturës, Medias dhe Sportit me nismat që do të ndërmarrë në vend do të shqyrtojë mendimet e opinionit publik në lidhje me himnin kombëtarë.

- Kandidon poema “Jerusalemi” e poetit William Blake