Arabia Saudite shkatërron dy fluturake pa pilot të dërguara nga Huthit

Arabia Saudite njoftoi se janë shkatërruar dy fluturake të armatosura pa pilot të dërguara nga Huthit jemenas, raporton Anadolu Agency (AA).

Zëdhënësi i forcave të koalicionit, Turki al-Maliki, tha se janë shkatërruar dy fluturake pa pilot që Huthit gjatë natës i dërguan nga Jemeni.

Maliki tha se njëra është shkatërruar derisa nisej drejt një vendbanimi në Abhi, në jug të Arabisë Saudite, ndërsa tjetra është shkatërruar derisa ishte akoma në kufijtë e Jemenit.

Huthit më 12 qershor kryen sulm në aeroportin në Abhi, ndërsa plagosën 26 persona.

Huthit nga Jemeni në vitet e fundit kanë përdorur fluturake pa pilot dhe raketa të gjata dhe të mesme ndërsa si objektiv janë zona të caktuara në Arabinë Saudite. Megjithatë, sistemet e mbrojtjes saudite i paaftësojnë ato.

Që nga viti 2014 Huthit kanë kontroll mbi kryeqytetin Sana dhe disa zona në Jemen. Forcat e koalicionit, në krye me Arabinë Saudite, nga marsi i vitit 2015 autoriteteve jemenase u ofrojnë mbështetje në luftën kundër kryengritësve Huthi.