Duterte: Filipinet nuk mund ta përballojnë luftën me Kinën

ZAMBOANGA CITY (AA) – Presidenti i Filipineve, Rodrigo Duterte, ka deklaruar se vendi i tij nuk mund ta përballojë të shkojë në luftë kundër Kinës, në mes të thirrjeve për një përgjigje më të fortë pas raportimeve se Pekini ka zbarkuar bombarduesit në ishujt e kontestuar të Detit të Kinës Jugore, raporton Anadolu Agency (AA).

“Nuk mund të përballoj në këtë kohë të shkoj në luftë. Unë nuk mund të hyjë në një betejë të cilën unë nuk mund ta fitoj dhe vetëm do të rezultojë në shkatërrim për forcat tona të armatosura. Unë me të vërtetë dëshiroj të bëj diçka për të pohuar. Por ju e dini, kur unë mora presidencën, këto shqetësime vetëm se ishin në Detin e Filipineve Perëndimore”, deklaroi Duterte gjatë një fjalimi në 120 vjetorin e Marinës së Filipinëve në Manila.

Në vitin 2012, Filipinet zyrtarisht riemëruan ujërat jashtë bregut perëndimor të vendit, si pjesë e përpjekjeve për të përcaktuar territorin e saj sovran.

Duterte theksoi dëshirën e tij për të mbrojtur, por tha se nuk dëshiron të bëjë ndonjë lëvizje që do të ishte shkatërruese për kombin.

“Në vlerësimin tim, do të ishte një humbje e madhe për kombin dhe ndoshta do të përfundojmë duke humbur një luftë. Të gjitha këto gjëra dua t’i bëj të njohura për ju. E pranoni ose jo, ky është realiteti në terren”, tha Duterte.

Megjithatë, ai i tha Marinës së Filipineve të vazhdonte detyrën e saj në mbrojtjen e sovranitetit të vendit, veçanërisht të Detit të Filipineve Perëndimore.

“Prandaj unë kërkoj nga secili prej jush që të bëni pjesën tuaj në mënyrë që në 120 vitet e ardhshme të mund të krijojmë një forcë detare që do të zgjasë një jetë dhe ndoshta ne mund të fillojmë pushtimin e kombeve të tjera”, tha ai.

Disa ligjvënës, ekspertë dhe kritikë e kanë kritikuar pakësimin e administratës së presidentit Duterte nga mosmarrëveshja e Manilas kundër Pekinit.

Nënpresidenti Leni Robredo u bashkua me disa të tjerë duke i kërkuar qeverisë të paraqiste një protestë diplomatike kundër Kinës.

“Ne po kërkojmë nga Departmenti i Punëve të Jashtme të paraqesë një protestë diplomatike në vazhdën e këtyre zhvillimeve, në mënyrë që të shprehim kundërshtimin tonë ndaj veprimeve të Kinës”, tha Robredo në një deklaratë.

Robredo tha se veprimet e fundit të Kinës janë kërcënime ndaj sigurisë së Filipineve dhe të gjithë rajonit.

Vietnami ka dënuar zbarkimin e bombarduesve të Kinës në ishujt e ujërave të kontestuar, por Filipinet thanë vetëm se monitorojnë nga afër zhvillimet. Megjithatë, theksoi politikën e saj për mos publikimin e të gjitha veprimeve të qeverisë të transmetuara nëpërmjet kanaleve diplomatike.

Pekini pretendon pothuajse të gjithë Detin e Kinës Jugore. Vendet e Azisë Juglindore, Brunei, Malajzia, Filipinet, Tajvani dhe Vietnami kanë prentendime të mbivendosura në këto ujëra.

Në vitin 2016, Gjykata e Përhershme e Arbitrazhit në Hagë konkludoi se pretendimet e Pekinit për zonat e detit të pasur me burime nuk kanë bazë ligjore. Arbitrazhi është nisur nga Filipinet, të cilës “e drejta sovrane”, tha ajo, është shkelur nga Kina. Këtë vendim Kina e kundërshtoi.