FDA: Vaksina Johnson and Johnsoh, e sigurt dhe efektive

Administrata Amerikane e Ushqimit dhe Barnave (FDA) njoftoi se vaksina e zhvilluar nga kompania farmaceutike Johnson and Johnson kundër koronavirusit (COVID-19) është "e sigurt dhe efektive" dhe siguron 66 për qind mbrojtje kundër sëmundjes, transmeton Anadolu Agency (AA).

Në analizën e publikuar para një takimi ku ekspertët e FDA-së do të diskutojnë miratimin e përdorimit urgjent më 26 shkurt, thuhet se vaksina, e cila është testuar në 44 mijë njerëz, ka siguruar mbrojtje të fortë kundër sëmundjes dhe fatalitetit.

Nëse miratohet, vaksina Jonhson and Johnson do të jetë vaksina e tretë e aprovuar për përdorim urgjent në SHBA.

Vaksina në fjalë administrohet në një dozë të vetme.