Ekip
26 Nëntor 2020•Përditësim: 27 Nëntor 2020
Fluturimi i parë i planifikuar komercial i kompanisë ajrore të Emirateve FlyDubai sot ateroi në aeroportin Ben Gurion të Tel Avivit nga Dubai, transmeton Anadolu Agency (AA).
Mediat izraelite raportuan se kryeministri izraelit, Benjamin Netanyahu priti dhe mirëpriti fluturimin përurues në aeroport.
Më parë, FlyDubai në pronësi shtetërore të Emirateve të Bashkuara Arabe tha se do të kryejë dy fluturime çdo ditë midis Dubait dhe Tel Avivit që nga e enjtja, 26 nëntor.
Emirati Etihad Airways gjithashtu tha se kanë në plan të kryejnë fluturime për në Tel Aviv që nga marsi 2021.
Ndërkohë, transportuesit izraelitë El Al dhe Israir njoftuan se do të fillojnë linjat e fluturimit midis aeroporteve në EBA dhe Izrael muajin e ardhshëm.
Ky hap vjen pasi EBA dhe Izraeli nënshkruan marrëveshjen e transportit ajror dhe të fluturimeve direkte, në prag të marrëveshjes së tyre të normalizimit.
Në tetor, Autoriteti i Përgjithshëm i Aviacionit Civil të EBA nënshkroi marrëveshje me Autoritetin Izraelit të Aviacionit Civil mbi shërbimet e transportit ajror midis dy vendeve.
EBA dhe Izraeli nënshkruan marrëveshje të sponsorizuara nga SHBA për të normalizuar marrëdhëniet e tyre në shtator, ndërsa të dyja palët nënshkruan një sërë marrëveshjesh në fushat e investimeve, tregtisë, shkencës dhe teknologjisë.
Marrëveshjet e normalizimit kanë shkaktuar kritika të ashpra nga palestinezët, të cilët thonë se marrëveshjet injorojnë të drejtat e tyre dhe nuk i shërbejnë kauzës palestineze.
