Franca evakuon migrantët e pastrehë, 11 dërgohen në qendrat e paraburgimit

Rreth 670 nga më shumë se 1.200 njerëz të pastrehë, kryesisht migrantë, u transferuan jashtë rajonit të Parisit gjatë fundjavës dhe 11 u dërguan në qendrat e paraburgimit, theksuan disa shoqata, raporton Andolu Agency (AA).

Sipas një deklarate të Collectif Requisitions, e cila bashkon disa shoqata që ndihmojnë migrantët, 1.204 njerëz që ngritën tenda në një park në Ile-de-France u evakuuan të shtunën pasi qëndruan atje për tre netë.

Rreth 540 persona u vendosën në Ile-de-France, 670 ishin subjekt i "zhvendosjes së detyruar" jashtë rajonit, veçanërisht në Besancon, Dijon, Rennes, Strasburg, Sarrebourg, Rouen, Lille dhe Metz, thuhet në deklaratë, duke cituar dëshmitë.

As shoqatat e Collectif Requisitions dhe as njerëzit e pastrehë nuk u informuan paraprakisht, theksoi ajo, duke shtuar se ata u morën larg shtëpisë së tyre, vendeve të punës dhe shkollave të fëmijëve.

Atyre që nuk kishin dokumente iu kërkua të largoheshin nga Franca dhe të paktën 11 persona u dërguan në qendrat e paraburgimit, sipas deklaratës.