Gjermani, 5.7 milionë të moshuar të rrezikuar nga varfëria

FRANKFURT (AA) - Gjatë vitit të kaluar, 5.7 milionë të moshuar në Gjermani kanë qenë përballë rrezikut të varfërisë dhe përjashtimit social, raporton Anadolu Agency (AA).

Deputete e Partisë së majtë Linke, në Bundestagun gjerman, Sabine Zimmermann bazuar në statistikat e Zyrës Evropiane të Statistikave (Eruostat), tha se gjatë vitit të shkuar numri i të moshuarve që kanë mbetur përballë rrezikut të varfërisë është rritur ndjeshëm.

Sipas këtyre statistikave në vitin 2010 rreth 4.9 milionë të moshuar mbi moshën 55-vjeçare, në këtë vend janë ndikuar nga kjo gjendje. Ndërsa vitin e kaluar kjo shifër ishte 5.7 milionë. Nga ana tjetër gjatë vitit 2015, 20.8 përqind e popullsisë mbi moshën 55-vjeçare ishte e rrezikuar nga varfëria.