Greqi, zbulohet për herë të parë lloji Omicron i COVID-19

Në Greqi për herë të parë është zbuluar në ishullin e Kretës lloji Omicron i koronavirusit të ri (COVID-19), transmeton Anadolu Agency (AA).

Ministri grek i Shëndetësisë, Thanos Plevris, tha se personi që u konstatua se kishte llojin Omicron të COVID-19 ka hyrë në vend më 26 nëntor dhe pas simptomave të para në testin e kryer më 29 nëntor u konstatua se pacienti ishte bartës i COVID-19.

Duke theksuar se pacienti vinte nga Afrika e Jugut, Plevris theksoi se ai dhe personat që kanë pasur kontakt me të janë në karantinë.

Vaksinat kundër COVID-19 do të fillojnë të aplikohen për fëmijët e moshës 5-11 vjeç

Plevris po ashtu njoftoi se Komiteti Shkencor ka shprehur mendimin se edhe fëmijët e moshës 5-11 vjeç duhet të vaksinohen kundër COVID-19 dhe tha se vaksinat për fëmijët do të mbërrijnë në Greqi në fund të dhjetorit.