Hulumtim, gratë janë më të drejta dhe të kujdesshme sesa burrat

Një hulumtim i Universitetit të Kalifornisë Jugore vuri në pah se gratë janë më të drejta, naive dhe të kujdesshme sesa burrat, transmeton Anadolu Agency (AA).

Në fazën e parë të hulumtimit, rezultatet e së cilës u publikuan në revistën "Proceedings of the Royal Society B", u shqyrtuan përgjigjet e mbi 330.000 personave nga 67 vende për pyetjet e një ankete se në cilat faktorë u japin rëndësi kur marrin vendime etike.

Të dhënat nga faza e parë bashkë me gjetjet e pavarura të studiuesve të tjerë, në drejtim të përgjigjeve të rreth 12.000 personave nga 19 vende, janë analizuar dhe verifikuar në mënyrë krahasuese.

Në hulumtim është vënë re se gratë janë më të drejta, naive dhe të kujdesshme sesa burrat ndërsa më të bindura dhe më të forta në kulturat që theksojnë barazinë gjinore.

Nga ana tjetër, në studim nuk është vërejtur asnjë dallim midis gjinive për sa i përket besnikërisë dhe vlerave të autoritetit.