Kashmir, rrihet deputeti në Kuvend sepse shërbeu mish lope

SRINAGAR (AP) - Deputetët e partisë qeveritare hinduse në Kashmir kanë rrahur deputetin e pavarur shtetëror Rashid Ahmed sepse shërbeu mish lope, i cili në pjesën më të madhe të vendit është i ndaluar për shkak të statusit të lopës si kafshë e shenjtë, transmeton Anadolu Agency (AA).

Deputetët e partisë Bharatiya Janata rrahën deputetin Ahmed, i cili është i besimit islam, menjëherë në fillim të seancës së sotme të Kuvendit. Në videoincizimin, i cili menjëherë pas rrahjes u publikua, shihet se deputetët e partisë opozitare tentojnë të ndajnë deputetët.

Me sa duket Ahmed-i një ditë më herët organizoi pritje të partive ku është shërbyer mish lope. Më herët tensionet në Kuvend u ashpërsuan kur partia hinduse kërkoi që muslimanëve t'u ndalohet therja e lopëve dhe shitja e mishit.

Opinioni botëror ditëve të fundit kritikoi Indinë sepse në këtë vend për vdekje është rrahur një burrë, ku pretendohej se ka ngrënë mish lope.