Kinë, 18 të zhdukur pas përmbytjes së varkës në një lumë

Një varkë me 27 persona është përmbytur sot në Kinën jugperëndimore, transmeton Anadolu Agency (AA).

Varka u përmbyt në lumin Lancang në provincën jugperëndimore Yunnan, njoftoi gazeta lokale "The People Daily".

Nëntë persona janë shpëtuar ndërsa operacioni i kërkim-shpëtimit po vazhdon për 18 persona të tjerë.

Incidenti ndodhi disa ditë pasi 8 nxënës të shkollave fillore u mbytën në një lumë në jugperëndim të Kinës.