Kinë, miratohet kryerja e eksperimenteve klinike të vaksinës për Covid-19

Në Kinë është miratuar kryerja e eksperimenteve klinike të vaksinës së zhvilluar kundër koronavirusit të ri (Covid-19), transmeton Anadolu Agency (AA).

Sipas lajmit të televizionit shtetëror CCTV të Kinës, vaksina e zhvilluar nga një ekip hulumtues të Akademisë Mjekësore Ushtarake ka kaluar në kontrollet e sigurisë, efektivitetit dhe cilësisë ndërsa kanë filluar përgatitjet paraprake për prodhimin masiv.

E zhvilluar nga ekipi hulumtues nën drejtimin e inxhinieres biologe, major-gjenerales Chen Wei nga Akademia Mjekësore Ushtarake e Kinës, thuhet se vaksina është një nën vaksinë e cila në përbërjen e saj përfshin vetëm pjesët antigjenë që koronavirusi nuk shkakton sëmundje.

Nënvaksinat llogariten se janë më të sigurta dhe më stabile se vaksinat që përfshijnë një verison të dobësuar të patogjenit që shkakton sëmundjen, por ato sigurojnë një mbrojtje më të dobët se vaksinat që përmbajnë potagjen.

Pritet që në një kohë të shkurtër pas aprovimit të fillojnë eksperimentet klinike të vaksinës.

Koronavirusi i ri (Covid-19) i cili për herë të parë u shfaq në qytetin Wuhan të Kinës, është përhapur në më shumë se 150 vende dhe rajone duke prekur më shumë se 180 mijë njerëz. Për shkak të sëmundjes e cilësuar si "pandemi" nga Organizata Botërore e Shëndetësisë (OBSH) deri më tani në të gjithë botën kanë vdekur 7.174 njerëz.