Kërkohet drejtësi për viktimat e Operacionit "Luxor" në Austri

Pikërisht një vit pas operacionit të qeverisë austriake "Luxor" kundër komunitetit musliman, dy grupe të të drejtave të njeriut kanë publikuar një raport mbi operacionin dhe kanë kërkuar drejtësi për viktimat, transmeton Anadolu Agency (AA).

CAGE, një organizatë mbrojtëse që bën fushatë për "proces të drejtë, sundimin e ligjit dhe padrejtësive të luftës kundër terrorit dhe Asistimin e Fëmijëve të Traumatizuar nga Policia (ACT-P)", me bazë në Austri u themelua "për të mbrojtur të drejtat e fëmijëve për shkeljet nga policia dhe qeveria nën maskën kundër-terrorizmit në Austri”.

Raporti, i titulluar "Një komunitet i persekutuar: Një vit pas operacionit Luxor", hetimet e operacionit dhe praktikat e qeverisë austriake, të udhëhequr në atë kohë nga kancelari Sebastian Kurz, që dyshohet se i ka nënshtruar muslimanët dhe manipulon opinionin publik gjatë një sërë krizash të brendshme gjatë 12 muajve që pasuan nga bastisjet.

Qeveria austriake më 9 nëntor të vitit të kaluar kreu një nga operacionet më të mëdha policore në vend, duke bastisur rreth 70 shtëpi në të njëjtën kohë dhe duke arrestuar 30 aktivistë dhe akademikë muslimanë.

Bastisjet e kryera si pjesë e Operacionit "Luxor" u shpallën të paligjshme nga Gjykata e Lartë Rajonale e Grazit dhe asnjë nga viktimat, jeta e të cilëve u kthye përmbys pas operacionit, nuk është akuzuar për ndonjë krim, theksohet në raport.

Qeveria ka ndërmarrë një sërë hapash nën maskën e luftimit të "islamit politik", përfshirë mbylljen e xhamive, ndalimin e hixhabit dhe propozoi "ndalimin e Sheriatit", thuhet më tej.

Duke prekur natyrën skajshmërisht të politizuar të bastisjeve, raporti pretendonte se qeveria e Sebastian Kurz u përpoq të shfrytëzonte sulmet e DEASH-it në Vjenë për të shënjestruar popullsinë e saj muslimane.

Duke theksuar se pavarësisht paralajmërimeve për një sulm të pritshëm nga shërbimet inteligjente të huaja dhe kombëtare, qeveria austriake, e cila ishte shumë e zënë me operacionin "Luxor", nuk mori masat e nevojshme.

Më 2 nëntor, një simpatizant i grupit terrorist DEASH vrau 4 persona dhe plagosi 23 të tjerë në kryeqytetin austriak, Vjenë.

Disa ditë pas sulmit, u raportuan rreth 60 krime islamofobike të urrejtjes kundër muslimanëve, së bashku me një goditje të udhëhequr nga qeveria, thuhet në raport.

Gjithashtu aty tërhiqet vëmendja për rolin qendror të medias dhe komentuesve, duke nënvizuar se kishte përpjekje për të legjitimuar operacionet e qeverisë austriake kundër muslimanëve në vend, përfshirë operacionin "e paligjshëm" Luxor.

Raporti rendit një sërë raportimesh të rreme nga mediat kryesore austriake.

"Mediat kryesore fillimisht raportuan gabimisht se 25 milionë euro në para të gatshme ishin gjetur në shtëpitë e të mbijetuarve, një shumë e konsiderueshme, duke lënë të kuptohet se muslimanët që janë me financa të majme dhe të pasur në shoqëri duhet të përfshihen në aktivitete të paligjshme", thuhet ndër të tjera.

“Menjëherë pas kësaj, doli të ishte një lajm i rremë dhe se nuk ishin para të gatshme, por kryesisht kapital i pasurive të paluajtshme”, thuhet në raport.

Raporti i kërkoi qeverisë austriake të ndërpresë të gjitha hetimet e hapura kundër viktimave të Operacionit "Luxor" pasi gjykata më e lartë rajonale e Austrisë e shpalli operacionin të paligjshëm.

Aty gjithashtu u prek nevoja urgjente për refuzimin e projektligjit "drakonian" anti-terrorist, ku thuhet se eksporton fushata përçarëse kundër "islamit politik" dhe kërkoi një "angazhim zyrtar publik të shtetit për të hetuar Operacionin 'Luxor', veçanërisht shkeljet e të drejtave të njeriut dhe të fëmijëve dhe shkeljet e së drejtës për një gjykim të drejtë”.