Një tjetër tërmet i fuqishëm godet ishullin e Kretës

Një tërmet me fuqi prej 5.3 ballë sipas shkallës së Rihterit goditi ishullin grek të Kretës, një ditë pas tërmetit në të cilin një person humbi jetën dhe disa u lënduan, transmeton Anadolu Agency (AA).

Instituti Gjeodinamik i Athinës deklaroi se tërmeti i mëngjesit të sotëm, më i fuqishmi nga dhjetëra që goditën ishullin, kishte epiqendrën 22 kilometra në juglindje të Heraklion, kryeqyteti i Kretës dhe i katërti më i madh në Greqi.

Një tërmet me fuqi prej 5.8 ballë goditi dje Kretën. Një person humbi jetën kur një kishë në një fshat pranë epiqendrës u shemb.

Ministria greke e krizës klimatike dhe mbrojtjes civile tha se tërmetet më të forta u ndoqën kryesisht nga ato më të vogla. Popullsia e zonës është paralajmëruar të shmang ndërtesat që kanë ndonjë, qoftë edhe dëmin më të vogël të mundshëm dhe të ndjekë udhëzimet e autoriteteve.

Qindra shtëpi besohet të jenë dëmtuar nga tërmeti i djeshëm dhe shumë banorë e kaluan natën në çadrat e ngritura nga autoritetet.

Greqia ndodhet në një rajon shumë aktiv sizmik dhe përjeton qindra tërmete çdo vit. Pjesa dërrmuese janë të dobëta dhe nuk shkaktojnë ndonjë dëm apo lëndime.