Në tokat e shenjta kanë humbur jetën 54 persona

RIJAD (AA) - Bëhet e ditur se deri më tani kanë humbur jetën 54 persona të cilët kanë mbërritur në tokat e shenjta në Arabinë Saudite për të kryer pelegrinazhin e Haxhit, transmeton Anadolu Agency (AA).

Në deklaratën e publikuar nga Drejtoria e Përgjithshme e Pasaportave të Arabisë Saudite, është theksuar se deri më tani kanë humbur jetën 54 persona të cilët kanë ardhur nga vendet e ndryshme për të kryer pelegrinazhin.

Në deklaratë u theksua se vdekjet kanë ndodhur për shkaqe si "temperatura të larta dhe mosha mesatare e lartë e kandidatëve të haxhinjve që kanë mbërritur në tokat e shenjta".

Në njoftimin e mëparshëm të institucionit ishte bërë e ditur se kanë humbur jetën 31 kandidatë për haxhinj.

Mbi 728 mijë kandidatë për haxhinj në tokat e shenjta

Nga ana tjetër, sipas Drejtorisë së Përgjithshme të Pasaportave numri i kandidatëve për kryerjen e Haxhit që kanë mbërritur në vend deri në dje ka arritur shifrën 728 mijë e 98.

Mësohet se 713 mijë e 656 prej këtyre duke e përdorur linjën ajrore, 13 mijë e 729 komunikacion tokësor ndërsa 713 nga deti. Gjithashtu u theksua se ka një rritje prej 18 për qind në krahasim me vitin e kaluar.