Opozita e Venezuelës do të marrë pjesë në zgjedhjet rajonale

Koalicioni opozitar i Venezuelës njoftoi të martën se do të marrë pjesë në zgjedhjet rajonale dhe lokale në nëntor, duke shënuar një ndryshim nga qasja e tyre e mëparshme për bojkotimin e votimeve, transmeton Anadolu Agency (AA).

"Njoftojmë bashkësinë kombëtare dhe ndërkombëtare për pjesëmarrjen tonë në proceset rajonale dhe komunale më 21 nëntor", tha një deklaratë e lexuar për gazetarët.

Që nga viti 2017, opozita nuk ka marrë pjesë në asnjë proces zgjedhor, duke argumentuar se vendi nuk ka kushtet për zgjedhje "të lira, të drejta dhe të verifikueshme".

Opozita, megjithatë, theksoi se ende besojnë se zgjedhjet e ardhshme nuk do të jenë as "të drejta dhe as konvencionale".

Ata megjithatë argumentuan se sondazhet e nëntorit përfaqësojnë një "fushëbeteje të dobishme" për të nxitur zgjedhjet e ardhshme presidenciale dhe parlamentare.

"Ne e kuptojmë se do të jetë një fushë beteje e dobishme për të forcuar qytetarinë dhe për të nxitur zgjidhje reale të krizës serioze të vendit tonë: zgjedhje të lira presidenciale dhe legjislative", thuhet në njoftim.

Më tej theksohet se vendimi i opozitës u mor pas një "diskutimi të vështirë të brendshëm" të motivuar nga "urgjenca për të gjetur zgjidhje të përhershme".

Presidenti venezuelian Nicolas Maduro "duartrokiti" vendimin e opozitës për të ndryshuar strategjinë e tyre politike.