"Problemi i Koresë së Veriut të zgjidhet me rrugë paqësore"

PEKIN (AA) –Ministri i Jashtëm kinez, Vang Yi, ka porositur se është prioritare që çështja bërthamore në Gadishullin Korean të zgjidhet me rrugë paqësore, raporton Anadolu Agency (AA).

Në deklaratën e Ministrisë së Jashtme kineze theksohet se ministri Vang dje ka realizuar bisedë telefonike me homologun rus, Sergei Lavrov dhe atë gjerman, Sigmar Gabriel, ku temë e diskutimit ishte Koreja e Veriut.

Vang gjatë bisedës, ka porositur se zgjidhja e problemit në mënyrë paqësore është në interes të përbashkët dhe prioritet për të gjitha palët.

Ai theksoi se është e domosdoshme që administrata amerikane dhe Pheniani të përmbahen nga deklaratat provokative, dhe se nuk duhet lejuar shtimin e tensionit në portën e Kinës dhe Rusisë.

Po ashtu edhe kryediplomati rus, Lavrov, ka thënë se zgjidhja e çështjes bërthamore të Koresë së Veriut me mjete ushtarake është e papranueshme, dhe se në vend kësaj duhet të shfrytëzohen mjetet politike dhe diplomatike.

Ministri gjerman, Gabriel gjatë bisedës me Vang ka thënë se Koreja e Veriut për të mos dalë nga kontrolli, duhet të nxjerrë mësim nga historia e Evropës.

Gabriel ka vlerësuar të gjitha përpjekjet të cilat janë ndërmarrë nga Kina në drejtim të zgjidhjes së çështjes bërthamore në Gadishullin Korean.