Përditësim: Shpërthimi në Meksikë, shkon në 31 numri i të vdekurve

MEXICO CITY (AA) - Në një shpërthim që ndodhi në një dyqan fishekzjarresh në kryeqytetin e Meksikës, Mexico City, kanë humbur jetën të paktën 31 persona dhe janë plagosur mbi 70 të tjerë, raporton Anadolu Agency (AA).

Policia federale e Meksikës ka njoftuar se në shpërthimin e ndodhur në dyqanin e fishekzjarreve në rajonin San Pablito, në një distancë 32 kilometra nga qendra e qytetit kanë humbur jetën 31 persona si dhe janë plagosur më shumë se 70 të tjerë.

Autoritetet kanë bërë të ditur se si pasojë e shpërthimit janë dëmtuar edhe ndërtesat përreth ndërsa kanë shprehur shqetësime se mund të rritet numri i të vdekurve dhe të plagosurve.

Prefekti i Mexico City ka informuar se janë në vazhdim punimet për identifikimin e personave që kanë humbur jetën.