Rrëshqitje të tokës në Afganistan, 8 të vdekur

Si pasojë e rrëshqitjeve të tokës në zonën Tulak në provincën Ghor të Aganistanit humbën jetën 8 persona, transmeton Anadolu Agency (AA).

Përgjegjësi për media në prefekturën Ghor, Muhammed Arif Abir, në një deklaratë tha se shirat intensivë që kanë rritur ndikimin e tyre prej disa ditësh në fshatin Khoxha në zonën Tulak kanë shkaktuar rrëshqitje të tokës.

Ai tha se si pasojë e rrëshqitjes së tokës kanë humbur jetën 8 persona, përfshirë një fëmijë ndërsa janë plagosur dy të tjerë.

Abir njoftoi se tre shtëpi janë shembur plotësisht.