Rumani, edhe tre të vdekur si pasojë e zjarrit në klubin e natës

BUKURESHT (AA) – Tetë ditë pas zjarrit në klubin e natës në Bukuresht numri i të vdekurve sa vjen e rritet. Zyrtarët rumunë bënë të ditur se të shtunën edhe tre persona kanë vdekur në spital si pasojë e plagëve të marra gjatë zjarrit, ndaj numri i viktimave është rritur në 35, raporton Anadolu Agency (AA).

Read Arafat, zyrtar i Ndihmës së shpejtë në Bukuresht, njoftoi se dy persona ndërruan jetë në spitalin shtetëror, ndërsa Catalan Cirstou, drejtor i Spitalit universitar tha se edhe te ky spital ka ndërruar jetë një person.

Rreth 100 persona të plagosur gjatë zjarrit, i cili shpërtheu më 30 tetor në klubin e natës "Colectiv" në Bukuresht edhe më tej janë për kurim në spital.

Të premten mbrëma disa mijëra protestues u tubuan për të katërtën ditë me rradhë duke kërkuar përmirësimin në zhvillimin e vendit, dhënien fund të korrupsionit dhe dënime për personat përgjegjës për zjarrin në klubin e natës.

Kryeministri rumun Viktor Ponta të mërkurën, më 4 nëntor dha dorëheqje.